Altıncı nəsil döyüş təyyarəsinin modeli təqdim edildi

Böyük Britaniya, İtaliya və Yaponiya Farnboroda keçirilən beynəlxalq aviasiya sərgisində (22-26 iyul) 2035-ci ilə qədər hazır olacaq altıncı nəsil qırıcı təyyarənin yeni konseptual modelini təqdim edib. "Report" xəbər verir ki, "BAe Systems" müdafiə korporasiyasının rəhbərlərindən biri Herman Klasen jurnalistlərə açıqlamasında bildirib ki, Global Combat Air Programme (GCAP) layihəsi üzrə ilkin işlər demək olar ki, başa çatıb.

Klasen qeyd edib ki, “Mitsubishi Electric” korporasiyası və “Leonardo” şirkəti də daxil olmaqla tərəfdaşlar 2025-ci ildə qırıcının layihələndirilməsi və inkişaf mərhələsinə keçəcəklər.