"Apple" C tipli adapterə keçir - FOTO

Apple şirkəti 2 il əvvəl ciddi etiraz etdiyi qərarla indi razılaşıb. 

Avtosfer.az-ın xəbərinə görə, şirkət son elektronika məhsullarını Avropa Komissiyasının tələblərinə uyğunlaşdırıb. Komissiya tələb edirdi ki, 2024-cü ildən etibarən İttifaqa ixrac edilən bütün kiçik elektronika avadanlıqları C (se) tipli adapterlə doldurulmalıdır. Apple şirkətinin sentyabrdan satışa çıxardığı bütün telefon, noutbuk və digər avadanlıqlar C tipli adapterə uyğunlaşdırılıb.  

Şirkətin direktor müavini Kayan Drans bildirib ki, “C tipli doldurucu bütün dünyada qəbul edilən universala çevirilib. Bundan sonra istehsal etdiyimiz planşet, noutbuk, telefon, ağıllı saat və naqilsiz qulaqcıqları C tipli adapterlə doldurmaq mümkün olacaq”. 

Qeyd edək ki, 2024-cü ildən etibarən Avropa İttifaqında satılan bütün kiçik elektronika avadanlıqları C tipli adapterlə doldurulmalıdır. Məqsəd elektronik tullantıların həcmini azaltmaqdır.

Vüqar