ASELSAN-dan “Bayraktar” və “Akıncı”lar üçün yeni sürpriz

ASELSAN şirkəti tərəfindən hazırlanan aviasiya vasitələri üçün asqıların kütləvi istehsalına başlanılıb.

 

ERU pnevmatik kimi vacib sistem komponentlərinin də ASELSAN şirkəti tərəfindən istehsal edildiyi aviasiya vasitələri üçün asqı sistemində xarici asılılıq təşkil edən heç bir kritik komponent yoxdur.

 

Türkiyə müdafiə sənayesinin önə çıxan zərbə PUA-ları üçün asqıların inteqrasiyası və istifadəsi üzərində işlər gedir.

 

“Baykar Savunma” şirkətinin məhsulu olan “Bayraktar” və “Akıncı”, eləcə də TUSAŞ-ın “Aksungur” zərbə PUA-larına inteqrasiya olunacaq asqı ilə vasitələr bir döyüşdə daha çox hədəf zərərsizləşdirə biləcək.

 

Aviasiya vasitələri üçün asqı idarəolunan sursatların döyüş təyyarələrinə iteqrasiyasını və bu təyyarələrdən buraxılmalarını təmin edən vacib bölmələrdir.

 

Qurğular 4 ədəd kiçik çaplı bomba daşıyabilən, F-16 təyyarəsinin 2 stansiyasına bərkidilərək bir asqıda 8 fərqli hədəfə hücum etməyə imkan verən aviasiya vasitələri üçün asqıdır.

 

Taktiki-Texniki Xüsusiyyətlər

 

• 4 kiçik çaplı bomba daşıma və buraxma

 

• Ağıllı sursatın idarə edilməsi

 

• Uçuşdan əvvəl və uçuş zamanı planlaşdırma

 

• Vəzifə hazırlığı və aşağı təmir ehtiyacı

 

• Tez və asan silah yükləmə

 

• İdarəoluna bilən buraxılış sürəti

 

Fiziki xüsusiyyətlər

 

• Çəki (Boş/Tam): 170 kq/710 kq

 

• Ölçülər: 143 "x 14" x 15 "

 

• Maksimum buraxma sürəti: 27 ft/s

 

Türkiyə Hərbi Hava Qüvvələrinin 40-ci sınaq eskadriliyası komandanlığının tabeçiliyində olan F-16 döyüş təyyarələrindən TÜBİTAK SAGE və ASELSAN tərəfindən hazırlanan kiçik çaplı bombaların atış sınağı həyata keçirilib. Kiçik çaplı bombalar ASELSAN-ın asqıları ilə idarə olunub.