Avtomobilin start-stop texnologiyasının niyə önəmlidir? – ARAŞDIRMA

Avtomobillərdə start-stop texnologiyası mühərrikin lazımsız işə salınmasının qarşısını alaraq yanacaq sərfiyyatını və karbon emissiyasını azaldır. Bununla belə, bir çox sürücü bu sistemdən istifadə etməkdən çəkinir ki, bu da ekoloji faydaların gözardı edilməsinə səbəb olur.

Avtosfer.az xəbər verir ki, mütəxəssislər start-stop texnologiyasının ətraf mühit üçün həyati əhəmiyyət kəsb etdiyini bildirib. Bu sistem avtomobil dayandıqda mühərriki avtomatik söndürərək yanacağa qənaət və daha az emissiya təmin edir, xüsusilə şəhərlərdə havanın çirklənməsi ilə mübarizədə mühüm rol oynayır.

“CarBase” mütəxəssisləri həmçinin bildirirlər ki, bir çox sürücü avtomobilinin avtomatik sönməsinə və yenidən işə salınmasına öyrəşmədiyi üçün bu sistemi söndürməyi üstün tutur. Bütün avtomobillər bu texnologiyadan istifadə etsələr, karbon emissiyalarının əhəmiyyətli dərəcədə azalmasına nail olmaq olar.

Eltac Zülfüqaroğlu