Azərbaycan musiqisini fəzaya aparan zondun 45 yaşı tamam olub - FOTO

1977-ci ilin sentyabrın 5-də ABŞ-nin kanaveral kosmodromundan qalxan raket Voyager 1 kosmik zondunu fəzaya qaldırdı. Bir müddət sonra raketdən ayrılan zondun 5 il xidmət etməsi nəzərdə tutulurdu. Lakin...

Avtosfer.az-ın xəbərinə görə, istər Voyager 1, istərsə də ondan 1 ay vəvvəl buraxılmış Voyager 2 bu gün də yol gedir və Yerə siqnal göndərir. 
Voyager 1 gec buraxılsa da, qısa yolla gedib və hazırda yerdən 22 milyard km məsafədədir.  Bu, Yerlə Günəş arasındakı məsafədən 150 dəfə çoxdur. Zondlara göndərilən siqnala cavab alınması üçün 2 sutkadan çox vaxt tələb olunur. 
Voyager 1 təxminən 3 il əvvəl Günəş sistemini tərk edərək tarixə düşdü. 
Zondun göyərtəsində 27 musiqi nömrəsi daxil eidlmiş məşhur qızıl plastinka var ki, bura  Kamil Cəlilovun balabanda ifa etdiyi "Muğam" kompozisiyası da daxildir. 
Voyacer-1-in 40.000 il sonra 17.6 işıq ili uzaqlıqda olan AC+79 3888 ulduzuna çatması gözlənilir.