Azərbaycanda Smart Şəhər nə vaxt qurulacaq? — Açıqlama

Qarabağ ərazisində “Smart city”nin qurulmasından öncə bir neçə mərhələdən keçməliyik. Planlama işləri xeyli vaxt apracaq.

Bu sözləri TED.az-a açıqlamasında İnnovasiya Agentliyinin Elmi-tədqiqat, texnologiyaların transferi və laboratoriya şöbəsinin Laboratoriya mərkəzi üzrə koordinatoru Elman Kərimli deyib.

E.Kərimlinin sözlərinə görə, Qarabağda smart sistemin qurulması zamanını demək çətindir: “İlkin olaraq Qarabağ ərazisinin minalardan təmizlənməsi prosesi aparılıb, planlama işinə başlanılmalıdır. O da təxmini 2 il çəkəcək. Şəxsi hesablamalarıma əsasən, iş paralel olaraq aparılsa, 2-5 il ərzində ilkin nəticələri artıq görə biləcəyik. Əlbəttə ki, proses çərçivəsində bəzi problemlər çıxa bilər, o baxımdan sistemin tətbiqi məsələsi 10 ilədək belə uzana bilər”.