"Bayraktar TB3" yerli mühərriklə 11 km yüksəkliyə çıxıb

Yerli mühərriklə təchiz olunmuş Türkiyənin “Bayraktar TB3” silahlı pilotsuz təyyarəsi 11 km yüksəkliyə qalxaraq rekordu təzələyib.

APA xəbər verir ki, “Baykar” şirkətindən verilən məlumata görə “Bayraktar TB3” silahlı insansız hava aparatı 11 km yüksəkliyə çıxaraq uçuş testlərini müvəffəqiyyətlə keçib.

Qeyd edək ki, PUA-nın ilk uçuşu 27 oktyabr 2023-cü ildə, Cümhuriyyətin 100-cü ildönümü münasibətilə təşkil olunan tədbirlər çərçivəsində həyata keçirilmişdi.