Böyük həcmli akkumulyatoru olan ucuz smartfon hazırlanır

Cənubi Koreyanın "Samsung" şirkəti böyük həcmli akkumulyatora malik "M" seriyasına məxsus yeni smartfon hazırlayır. Bu barədə Avropanın "DEKRA" sertifikatlaşdırmasına istinadən "91mobiles" yazıb.

Yeni cihazın istehsalı üçün əsas ola bilən "Samsung A32"dən fərqli olaraq "Galaxy M32" smartfonu 6000 milliamper/saat həcmində batareyaya malik olacaq. Ucuz "Helio G80" prosessoru ilə təchiz ediləcək qurğu LTE şəbəkələrdə işi dəstəkləyəcək.

Smartfonun digər xüsusiyyətləri arasında 90 hers tezliyə malik 6,4 düymlük "Super AMOLED" ekran, 64 meqapiksellik əsas kamera və "OneUI 3.1" interfeysli "Android 11" əməliyyat sistemi qeyd edilir.
Aprelin sonunda təqdim ediləcək "Galaxy M32" aparatının qiyməti haqqında məlumat yoxdur./"ICTnews"