Bu ölkələr “dron səddi” yaradacaq

Texnologiya 25 May 2024 17:25 Oxunub 224
Bu ölkələr “dron səddi” yaradacaq
WhatsApp kanalımıza abunə ola bilərsiniz

Polşa, Finlandiya, Norveç və Baltikyanı ölkələr pilotsuz uçuş aparatlarından (PUA) istifadə etməklə, sərhədlərini qorumaq üçün “dron səddi” yaradılmasını razılaşdırıblar.

“Report” xəbər verir ki, bu barədə Litvanın daxili işlər naziri Aqne Bilotayte bildirib. “Bu, tamamilə yeni bir şeydir - Norveçdən Polşaya qədər uzanan “dron səddi” yaradılacaq. Məqsəd sərhədlərimizi dost olmayan ölkələrin təxribatlarından qorumaq və qaçaqmalçılığın qarşısını almaq üçün PUA-lardan və digər texnologiyalardan istifadə etməkdir”, - o deyib.

Belə “dron səddi” yaratmaq üçün ölkələr sərhəd ərazilərinə nəzarət etmək məqsədilə PUA-lardan, həmçinin PUA əleyhinə sistemlərdən istifadə edəcəklər.

A.Bilotaytenin sözlərinə görə, Litva artıq PUA-ların köməyi ilə sərhədlərinin təhlükəsizliyini gücləndirməyi planlaşdırır. O bildirib ki, Litvanın Dövlət Sərhədini Mühafizə Xidmətində bu yaxınlarda dron bölməsi yaradılıb, əlavə PUA və PUA əleyhinə sistemlər alınır.

ŞƏRH YAZ
Ad

E-mail

Şərh