"ChatGPT" bu avtomobillərdə quraşdırılıb

Alman avtomobil istehsalçısı “Volkswagen” avtomobillərinin “ChatGPT” “chatbot”unu dəstəklədiyini bildirib.

Avtosfer.az xəbər verir ki, bu barədə “Engadget” nəşri məlumat yayıb.

Məlumata görə, məşhur "chatbot" əvvəllər "Volkswagen" avtomobillərinə inteqrasiya edilmiş IDA səsli köməkçisi ilə yanaşı işləyəcək. Korporasiya nümayəndələrinin sözlərinə görə, avtomobil həvəskarları səsli köməkçi ilə "daha təbii dildə" ünsiyyət qura, müxtəlif mövzularda məsləhət və yardım ala biləcəklər. "Volkswagen" ilin əvvəlində avtomobillərində “chatbot”un göründüyünü elan edib.

"ChatGPT" dəstəyi yeni “Golf”, “Tiguan”və “Passat” avtomobillərinə, eləcə də elektrik krossoverlərinin “Electric ID” xəttinə əlavə edilib. "Chatbot" hazırda yalnız Avropada işləyir, lakin gələcəkdə Şimali Amerika müştərilərinə əlavə olunacaq.

(banco.az)