Çinli kosmonavtlar 13 ildən sonra yenidən açıq kosmosda

Çinli kosmonavtlar 2008-ci ildən bu yana ilk dəfə olaraq açıq kosmosa çıxıblar. Onlar kosmosda kosmik gəmidən kənarda fəaliyyət göstərəcəklər.

Avtosfer.az qafqazinfo-ya istinadən xəbər verir ki, bu tapşırığı Çin orbit stansiyasının kosmonavtları Liu Bomin və Tan Honbo həyata keçirib. Bu zaman ekipajın komandiri Nie Hayşen "Tianhe" adlı modulun içərisində köməkçi işlərlə məşğul olub.

Bu, "Şencou-12" ekipajının kosmosa çıxmaqla bağlı ilk missiyası və son 13 ildə çinli kosmonavtlar üçün kosmik gəmidən kənarda ilk fəaliyyət kimi qeydə alınıb.

Qeyd edək ki, Çin 17 iyun tarixində inşa edilən orbit stansiyasına kosmonavtlarla birgə bir kosmik gəmi göndərib. "Chang Zheng 2F" adlı kosmik gəminin heyətində adları yuxarıda qeyd edilən kosmonavtlar yer almışdı. Missiyanın uğurlu olduğu açıqlanmışdı.

Qeyd edək ki, onlar sonuncu dəfə açıq kosmosa 2008-ci ildə "Şencou-7" kosmik gəmisinin heyətində çıxmışdılar.