Daha 40 ədəd təlim təyyarəsi sifariş edilib

Türkiyə Müdafiə Sənayesi Nazirliyi “Türk Havaçılıq və Kosmik Sənaye” şirkətinə (TUSAŞ) daha 40 ədəd yeni nəsil Hürkuş-B tipli təlim təyyarəsi sifariş edildiyini açıqlayıb.

Avtosfer.az “Azərtac” istinadla xəbər verir ki, Türkiyə ordusunda hərbi pilotlara tələbatın artdığını nəzərə alan dövlət qurumları ümumilikdə 55 ədəd Hürküş-B təlim təyyarəsinin alınmasına dair qərar qəbul etmişdi. İlk mərhələdə 15 təyyarənin tədarükü üçün müqavilə imzalanmışdı. Yerli istehsal olan hərbi təlim təyyarələrinin ilk partiyası Türkiyə Hərbi Hava Qüvvələri Komandanlığına 2025-ci ilin may ayında, sonuncusu isə 2027-ci ilin iyununda təhvil veriləcək.

Qeyd edək ki, NATO standartlarına cavab verən və öncəki modifikasiyalı Hürküş-A-dan bir sıra üstün xüsusiyyətlərə malik Hürküş-B təyyarəsi ilk uçuşunu 2013-cü il avqustun 29-da həyata keçirib.