Dövlət xidmətindən “WhatsApp”la bağlı XƏBƏRDARLIQ

“Hazırda vətəndaşların “WhatsApp” hesablarının ələ keçirilməsi halı müşahidə olunur. Bu isə öz növbəsində təhlükəsizliklə bağlı tədbirlərin görülməsini zəruri edir”.

Bu barədə Elektron Təhlükəsizlik Xidmətinin “WhatsApp”la bağlı əhali üçün yaydığı xəbərdarlıqda bildirilib.

“Qeyd olunanları nəzərə alaraq “WhatsApp” hesabınızın təhlükəsizliyi ilə bağlı paylaşımda qeyd olunan təlimatlara riayət etməyinizi, belə hallarla qarşılaşdıqda “1654” qaynar xətti ilə əlaqə saxlamağınızı və ya [email protected] elektron poçt ünvanına müraciətinizi ətraflı şəkildə (ad, soyad, əlaqə vasitəsi, müvafiq ekran görüntüsü və s. kimi məlumatları da daxil etməklə) qeyd etməyinizi xahiş edirik”, - deyə məlumatda bildirilib.