Google etibarlı şifrə yaratmağa kömək edəcək

Məşhur internet brauzeri Google Chrome yeni funksiya ilə şifrələrin təhlükəsizliyi və idarə olunmasını asanlaşdıracaq. Google təhlükəsizliyi artırmaq məqsədilə Chrome 88 ilə yeni şifrə xüsusiyyətləri əldə edib.

Bu funksiya güclü parollar yaratmağa və yeni hesab açarkən onları saxlamağa kömək edir. Yeniləmənin iOS və ya veb istifadəçiləri üçün tezliklə aktivləşdiriləcəyi gözlənilir. Yenilik nəticəsində Chrome profil ikonasının altındakı düyməni vurduqda parol menecerinə yönəldiləcəksiniz. Bununla yanaşı, Chrome artıq təhlükəli və ya zəif parolları dəyişdirməyiniz barədə sizi xəbərdar edəcək.

Həmçinin Chrome-da "parolları yoxla" bölməsindəki "parolu dəyişdir" bağlantısına vuraraq müvafiq veb-sayta daxil ola və giriş məlumatlarını düzəldə bilərsiniz. Bununla yanaşı, Google uzun müddət dəyişdirmədiyiniz köhnə şifrələri yoxlayacaq və yenisi üçün sizə güclü parol təklif edəcək.