Hakerlərin 2021-ci il üçün əsas hədəfləri açıqlandı

"Check Point Software Technologies" şirkətinin rəhbəri Vasili Dyagilev hakerlərin növbəti il ​​üçün əsas hədəflərini açıqlayıb. O bildirib ki, 2021-ci ildə həyata keçirilən kiberhücumların tendensiyaları arasında, həm koronavirus infeksiyası, həm də kiber cəsusluq, eləcə də fişinq mesajları olacaq. 

TED.az xəbər verir ki, mütəxəssisin sözlərinə görə,  COVID-19 adı ilə edilən kiber hücumların 2021-ci ildə də davamı olacaq: "COVID-19 manşetləri hələ ki, tərk etməyəcək, peyvəndin hazırlanması və yeni məhdudiyyətlərin tətbiqi ilə bağlı xəbərlər 2020-ci ildə olduğu kimi fişinq hücumlarında istifadə olunmağa davam ediləcək".

2021-ci il üçün proqnozlaşdırılan tendensiyalar arasında məsafədən təhsil sistemlərinə edilən kiber hücumlar və kiber cəsusluq da yer alır.