"Instagram" sosial şəbəkəsi istifadəçilərin aqressiv davranışlarını məhdudlaşdırmağa imkan verən yeni "Limits" funksiyasını tətbiq edib. Bununla da istifadəçinin izləyicisi olmadığı hesablardan şərhləri və birbaşa mesajları avtomatik olaraq gizlətmək mümkündür.

Avtosfer.az-ın məlumatına görə, bundan başqa, şirkət bir neçə yumşaq xəbərdarlıqdan sonra deyil, dərhal sosial şəbəkədə davranış qaydalarını pozduğuna görə daha ciddi xəbərdarlıqlar edəcək. "Instagram" son bir həftə ərzində gündə bir milyondan çox oxşar xəbərdarlıq etdiyini və istifadəçilərin yarıdan çoxunun şərhlərini dəyişdirdiyini və ya sildiyini bildirib. "Instagram"ın aprel ayında bir çox ölkədə tətbiq etdiyi hücum filtri avqustun sonuna qədər bütün dünyada istifadəyə veriləcək.