iPhone-dan yenilik: Saat taxmısızsa, şifrəyə ehtiyac yoxdur

IPhone-da üz tanıma xüsusiyyəti olan Face ID tibbi maska ​​ilə işləyə bilmədiyi üçün Apple kiçik həll təqdim edib.

Üzdə maska ​​olduqda telefon avtomatik parol ekranına keçir. Bu istiqamətdə yenilik isə iOS 14.5 istifadəçiləri üçün təqdim olunub.

Yeniliyə görə, Apple Watch ilə iPhone istifadəçiləri telefonun kilidini sürətlə aça bilərlər. Bu xüsusiyyət Mac istifadəçiləri üçün artıq uzun müddətdir mövcuddur. Saat biləkdədirsə, hansısa parol daxil etməyə ehtiyac qalmır.

Bu yalnız kilidini açmaq üçün istifadə edilə bilər. App Store və iTunes üçün isə istifadəçi parol daxil etməli və ya biometrik yoxlama aparmalıdır. (ted.az)