İlon Maskın şirkətləri çətin dövrünü yaşayır

“Tesla” elektrik avtomobil şirkətindəki problemlər milyarder İlon Maskın digər bizneslərinin sabitliyini təhdid edir.

Avtosfer.az bu barədə “Bloomberg”ə istinadla xəbər verir.

Qeyd olunur ki, “Tesla” davamlı işdən çıxarmalarla "pozğunluq içindədir". Üstəlik, şirkətin səhmləri düşür, satışlar durğundur və bəzi investorlar hesab edir ki, şirkətə “ağılsız rəhbər” başçılıq edir.

Mask “Tesla”dan başqa daha beş şirkətə rəhbərlik edir. Onun rəhbərliyi altında kosmik texnologiya istehsal edən SpaceX, süni intellekt startapı xAI, neyrotexnologiya şirkəti Neuralink, tunel tikintisi şirkəti The Boring Company, həmçinin X (keçmiş Twitter) fəaliyyət göstərir.

(bakivaxti)