Mobil dataya qənaət edə bilərsiniz - YOLLARI

İnternet paketinin tez bitməsinin səbəblərindən biri də smartfonun həddən artıq data istifadə etməsidir. Mobil datadan istifadəni azaltmağın isə bir sıra üsulları var.

TED.az xəbər verir ki, bu vasitələrdən biri də Google Chrome-dur. Chrome-un data saxlama vasitəsi mövcuddur. Bunun üçün ardıcıl olaraq "parametrlər", "data sərfiyyatı", "data sərfiyyatını istifadə et" bölmələrini seçmək lazımdır.

VPN abunəliyi və Wi-fi-dan istifadə də mobil dataya qənaət edir.

Telefondan istifadə edərkən arxa planda bir sıra funksiyalar aktiv halda qalır. Məsələn, smartfon Google Play və Apple-ın App Store yeniləmələrini yoxlayır, e-poçt tətbiqi yeni e-poçtlar barədə məlumat verir, müxtəlif sosial şəbəkə tətbiqləri telefona yenilənmə, bildiriş göndərir. Bütün bunlar mobil data istifadənizə təsir göstərir. Bu prosesdə iştirak edən bəzi tətbiqləri şəbəkə xarici saxlamaq mümkündür. Bunun üçün ardıcıl olaraq "parametrlər", "tətbiq və bildirişlər" bölmələrinə daxil olmaq, bildirişlər panelini bağlamaq lazımdır. 

Bulud texnologiyaları ilə çalışan tətbiqlərin yalnız Wi-fi-dan istifadəsini təmin etmək də mobil data qənaət edir. 

Yüksək keyfiyyətli (HD) video mobil məlumatların əsas istehlakçısıdır. Bir saatlıq HD görüntü 2 GB mobil məlumat sərf edir. Ümumiyyətlə, mobil datalar HD-dən (1080p) yuxarı hər hansı keyfiyyət üçün uyğun deyil. Ancaq 5G-nin gəlməsi ilə bunun dəyişəcəyi gözlənilir.

Hazırda müasir mobil cihazların əksəriyyəti 4G və 5G məlumatlarını dəstəkləyir. Amma bu, mobil datanın daha sürətlə bitməsi deməkdir. Mobil data istifadəsini azaltmağın bir yolu da internet sürətini 3G-yə endirməkdir. 

Android cihazda 3G-ni təmin etmək üçün öncə "Parametrlər", "Şəbəkə və İnternet" menyularına, "Mobil şəbəkə" bölməsinə daxil olmaq, "3G şəbəkəsi"ni seçmək lazımdır.

iOS cihazlarda isə ardıcıl olaraq "Parametrlər", "Mobil Məlumat", "Mobil Məlumat Seçimləri", "Səs və Data", "3G" bölmələrini seçmək kifayətdir.