Naməlum nömrədən SMS gələrsə, bunları etməyin

Bəlkə də hər birimizin mobil telefonuna azı bir dəfə də olsun anonim nömrədən mesaj gəlir.

Bu spam və ya səhvən yanlış nömrəyə göndərilən SMS ola bilər.

Təəssüf ki, həmin vaxt bir çox smartfon sahibləri ciddi səhvlərə yola verir. Belə ki, onlar SMS-lə göndərilən liklərə daxil olurlar.

Mütəxəssislər mobil telefonlara naməlum nömrədən gələn linklərə daxil olmamağı məsləhət görür. Bu zaman fırıldaqçılar tərəfindən şəxsi məlumatlarınız oğurlana bilər.

Göndərilən bağlantının aktivləşdirilməsinin digər bir təhlükəli nəticəsi isə smartfonda zərərli proqramların yüklənməsi ola bilər.

Qısacası cihazın sahibi mesaja məhəl qoymamalı və ya mətndə göstərilən göstərişləri yerinə yetirməməlidir. (lent.az)