NASA Aya raket buraxılışını təxirə salıb

“Orion” kosmik gəmisi ilə "Space Launch System" (SLS) super ağır raket-daşıyıcının Aya buraxılması üçün daha bir cəhd “İan” qasırğası səbəbindən təxirə salınıb.

Trend-in məlumatına görə, bu barədə ABŞ Milli Aeronavtika və Kosmik Tədqiqatlar Administrasiyasının (NASA) saytında yerləşdirilən melumatda bildirilib.

Məlumata əsasən, buraxılışın yeni cehdi noyabrın 12-dən gec olmayaraq həyata keçirilə bilər:

"NASA noyabrın 12-də açılan və noyabrın 27-də bağlanan buraxılış pəncərəsindən yararlanaraq, missiyanın işə salınması üçün hazırlıqlara diqqət yetirmək qərarına gəlib. Yaxın günlərdə rəhbərlik şaquli quraşdırma binasında [Vertical Assembly Building, VAB] tamamlanacaq işlərin həcmini qiymətləndirəcək və növbəti buraxılış cəhdi üçün dəqiq tarix təyin edəcək".