Naxçıvanda elektrik avtomobilləri ilə bağlı yenilik

Naxçıvan Muxtar Respublikasında elektrik avtomobilləri üçün doldurma stansiyaları quraşdırılacaq. Avtosfer.az İqtisadiyyat.az-a istinadən xəbər verir ki, bununla bağlı muxtar respublikanın Dövlət Nəqliyyat Xidməti hazırlıq işlərinə başlanılıb.

İlkin mərhələdə bu doldurma stansiyalarından 10 ədəd quraşdırılması planlaşdırılıb.

Stansiyaların 1000VDC-ə qədər geniş gərginlikli çıxışı, mikroavtobuslar, yük maşınları və e-avtobuslar da daxil olmaqla gələcək nəsil elektrikli nəqliyyat vasitələri üçün şarj etmək imkanı, eyni zamanda minimum 2 nəqliyyat vasitəsinin doldurulması imkanı olmalıdır.

Həmçinin çıxış gərginlik diapozonu 200-1000V, maksimal çıxış cərəyanı 800A, maksimum çıxış gücü 120 KW, gərginlik dəqiqliyi ± 0,5 %, cari dəqiqlik ± 1% olmalıdır.

Stansiyalarda beynəlxalq mühitdə 6 ən geniş yayılmış elektrikli avtomobil modellərinə xidmət uyğunluğu təşkil edilməlidir.

Qeyd edək ki, Dövlət Xidməti sözügedən stansiyaların quraşdırılmasına 539 998 manat vəsaitin sərf olunacağını ehtimal edir.