"Netflix" şirkəti "TikTok"a bənzəyən qısa video funksiyasını təqdim etdi

Yayım platforması "Netflix",  "TikTok" kliplərinə bənzər qısa videolara baxmağa imkan verən və uşaqlar üçün uyğun olan "Kids Clips" (Uşaq Klipləri) funksiyasını təqdim edir. 

Marja xəbər verir ki, bu barədə çərşənbə axşamı Bloomberg xəbər agentliyi məlumat yayıb.

Funksiya axın xidmətinin xüsusi uşaq kitabxanasından qısa videolara baxmağa imkan verəcək. Hər gün yeni kliplərin əlavə olunması planlaşdırılır. Agentliyin məlumatına görə, bu yolla "Netflix", "YouTube" və "TikTok"a üstünlük verən gənc istifadəçilərin diqqətini cəlb etməyə çalışır.

Yeni funksiya "Netflix" proqramında bu ilin əvvəlində təqdim edilmiş "Fast Laughs" (Sürətli Gülüşlər) seçiminə əsaslanır ki, bu da sizə filmlərdən, seriallardan və komediya aktyorlarından qısa kliplərə baxmağa imkan verir. 

Yeni video lenti "Fast Laughs" lentinə bənzəyəcək, lakin o, videoları şaquli və tam ekranda deyil, üfüqi şəkildə göstərəcək. Eyni zamanda, uşaqlar eyni vaxtda 20-dən çox olmayan klipə baxa biləcəklər.

Tərtibatçılar platformanın ən populyar videolarının reytinqini tərtib edəcələr ki, bu da istifadəçilərə onlar üçün maraqlı olan materialı tapmağa kömək edəcək.

"Kids Clips" bu həftə Netflix iOS proqramında əlçatan olacaq. Hələlik ondan yalnız ingilis və ispan dilli ölkələrin istifadəçiləri istifadə edə biləcək.