Nokia noutbuk istehsalına başladı

Bir müddətdir, Nokia şirkətinin noutbuk istehsalına başlayacağı ilə bağlı məlumat yayılıb. Həmçinin e-ticarət platformalarının birində hələ təqdim edilməyən cihazla bağlı bir çox detallar aşkarlanıb. 

TED.az xəbər verir ki, Nokia PureBook X14 adlı sözügedən noutbuk "ultrabook" formatında olacaq. Çəkisi 1,1 kq olan cihazın qalınlığı 16,8 mm-dir.

Noutbukun ekranı 14 düym ölçülü, FHD keyfiyyətindədir və IPS panelə sahibdir. Panel vasitəsilə kompüter 178 dərəcəli  baxış bucağı təqdim edəcək. Notbuk 10-cu nəsil Intel Core i5-10210U prosessoru ilə təchiz ediləcək. 8 GB DDR4  RAM və 512 GB NVMe SSD-ə sahib olacaq. Prosessorun sürəti 1,6-4,2 GHz olacaq.

Nokia PureBook X14-ün 1220 dollardan başlayan qiymətlərlə satışa çıxarılacağı gözlənilir.