Qırğızıstan Rusiyadan PUA və helikopterlər alır

Qırğızıstan Rusiyadan Orlan-10E PUA-ları və Mi-17B-5 tipli helikopter alacaq.

Bu barədə Qırğızıstan Milli Təhlükəsizlik Dövlət Komitəsi rəsmi bəyanat yayıb.

Bəyanatda bildirilib ki, Qırğızıstanın Milli Təhlükəsizlik Dövlət Komitəsinin sədri Qamçibek Taşiyev Rusiyanın hərbi ixracat şirkəti “Rosoboroneksport”un baş direktoru Aleksandr Mixeyevlə görüşüb.

Görüş zamanı iki ölkə arasında hərbi texnika sahəsində əməkdaşlığın inkişafı müzakirə olunub.

Nəticədə, Qırğızıstan Sərhəd Xidmətinin istifadəsi üçün Orlan-10E PUA-ların alınmasına dair müqavilə imzalanıb.

Tərəflər “Rosoboroneksport”dan Mi-8 MTB tipli helikopterlərin və onların ehtiyat hissələrinin tədarükü ilə bağlı da razılığa gəliblər.

Qeyd edək ki, Qamçibek Taşiyev Türkiyədən "Bayraqdar" PUA-ları alacaqları barədə də açıqlama vermişdi.///axar.az