Rusiya şirkəti yeni PUA-ların pilot istehsalına başlayıb

“Almaz-Antey” konserni çoxprofilli pilotsuz uçuş aparatının (PUA) pilot istehsalına başlanılıb. AzVision.az xəbər verir ki, bu barədə Rusiya mediası məlumat yayıb. Bildirilir ki, artıq Ümumrusiya Elmi-Tədqiqat Radio Aparatları İnstitutu tərəfindən yeni PUA-nın hazırlanması işləri başa çatdırılmaq üzrədir. PUA-nın konsernin müəssisələrində istehsal olunması planlaşdırılır.

Hazırda bir neçə növ PUA pilot layihə kimi istehsal olunur və sınaq partiyanın buraxılmasına hazırlıq işləri gedir.

Yeni dronlar həm əvvəlcədən müəyyən edilmiş marşrut üzrə, həm də operatorun birbaşa nəzarəti altında hərəkət edə biləcək. Tapşırığı proqram halında yüklədikdən sonra aparatı smartfon, planşet və ya noutbuk idarə etmək mümkün olacaq.

Pilotsuz təyyarənin qapalı idarəetmə və videoötürmə kanalı ilə təmin edilməsi və onun əşyaların identifikasiyası vasitələri ilə təchiz edilməsi planlaşdırılır.