Rusiyadan Google-a 98 milyon dollar cərimə

Rusiya Federal Məlumat Texnologiyaları və Kütləvi informasiyaya Nəzarət Təşkilatı tərəfindən Google-a qarşı qaldırılan iddiaya paytaxt Moskvadakı Taganskiy Məhkəməsində baxılıb.

Marja xəbər verir ki, məhkəmə, ölkədə qadağan edilmiş məzmunları silmədiyi üçüm Google şirkətini 98 milyon dollar cərimələyib.

Rusiya Federal Məlumat Texnologiyaları və Kütləvi informasiyaya Nəzarət Təşkilatı tərəfindən Rusiya Federasiyasında qadağan edilmiş 16 məlumat ilə əlaqədar Google-a xəbərdarlıq edilmişdi.

Şirkətin Moskvadakı mətbuat spikeri qərar haqqında atılacaq addımı qiymətləndirəcəklərini bildirib.

Rusiya rəqəmsal suverenliyini təmin etmək məqsədilə son dövrdə xarici sosial media və internet şirkətləri üzərindəki yoxlamasını artırmış, Google və Twitter kimi şirkətləri ölkədə təşkil edilən etiraz nümayişlərini cəsarətləndirən mesajları silməyə məcbur etmişdi.