SİM kartlar tarix olur – Yeni format təqdim edildi

Avropanın ən böyük mobil operatorları olan “Deutsche Telekom” və “Tele2” yeni SİM kart formatını yaradıblar. 

Bu yeni kart forması “davamlı SİM kart” kimi tərcümə olunan “rSIM” və ya möhkəm “SIM” adlanır. 

“rSIM”in əsas üstünlüyü müxtəlif operatorların iki nömrəsini bir kartda eyni vaxtda istifadə etmək imkanıdır. İndi bunun üçün sizə ya iki yuvalı telefon, ya da eSIM dəstəyi və SİM kart yuvası olan telefon lazımdır. Həmçinin yenilik daha sabit rabitə üçün operatorlar arasında dərhal keçid etməyə şərait yaradır. 

Bundan əlavə, rSIM real vaxt rejimində şəbəkə keyfiyyətinə nəzarət edən süni intellekt texnologiyalarını dəstəkləyir. Bağlantı kəsilərsə, texnologiyanın özü əlaqəni kəsmədən başqa operatora keçəcək.

Qeyd edildiyi kimi, rSIM rabitə keyfiyyətini yaxşılaşdırmaq və smartfonu təkmilləşdirmək üçün istifadə edilə bilər. Məsələn, "tək SIM"li telefon "iki SIM"li telefona çevrilə bilər.

rSIM-in başqa bir tətbiqi sabit işləmək üçün fasiləsiz internet bağlantısı tələb edən smart cihazlar arasında məlumat ötürülməsinin keyfiyyətini artırmaqdır. Evdə internetin tez-tez yoxa çıxdığı vaxt onlar yenidən sinxronizasiya edilməlidir. rSIM bu problemi operatorlar arasında keçid üçün mürəkkəb sistem vasitəsilə həll edir.

rSIM formatlı kartlar artıq “Deutsche Telekom”, “Tele2”, “T-Mobile” və “GSMA” kimi mobil operatorlar tərəfindən təklif olunur. Lakin adi istifadəçi hələ ki, onu ala bilmir - o, texnologiyanı sınaqdan keçirmək üçün salonlarla əlaqə saxlamalıdır. (lent.az)