Smartfonlarla Google Maps-də "gəzişmək" daha da asanlaşdı - YENİLİK

Eyni zamanda, ekranda panoramaları və xəritəni göstərə bilərsiniz. 

Google şirkəti Android cihazları üçün Google Maps tətbiqində Street View sevənləri üçün faydalı bir yenilik təqdim edib. Google Street View dünyanın bir çox şəhərinin panoramik küçə görüntülərini izləməyə imkan verir. 

Funksiya, əlbəttə, faydalıdır, amma indi daha rahat hala gəlib. Google Maps-in Android versiyasında bölünmüş ekran rejimi var.

Avtosfer.az Ted.az-a istinadən xəbər verir ki, sağ alt küncdə panoramanı minimuma endirməyə və xəritəni ekranın yarısında göstərməyə imkan verən ox işarəsini görə bilərsiniz.

Google yenilik haqqında heç bir açıqlama verməyib. Yeniləmə server tərəfində paylanır və qurulması üçün hər hansı bir istifadəçi əməli tələb etmir. 

İOS üçün bənzər bir yeniləmə hələ ki, başlamayıb. Veb versiyasında belə bir rejim uzun müddətdir və hətta hər sahənin hündürlüyünü tənzimləmək imkanı da mövcuddur.