“SpaceX” 2022-ci ildə kosmik fəzaya 60 raket buraxmağı planlaşdırır

ABŞ-ın “SpaceX” aerokosmik kompaniyası 2022-ci ildə kosmik fəzaya “Falcon” seriyasından olan 60 daşıyıcı raket buraxmağı planlaşdırır.

Avtosfer.az xəbər verir ki, bu barədə “SpaceX” kompaniyasının qurucusu İlon Mask deyib.

Hazırda “Falcon-9” yaxın orbitə faydalı yükün daşınması üçün əsas daşıyıcı raketdir. O, yerəyaxın aşağı orbitə 22,8 ton, geostasionar orbitə 8,3 ton, habelə Mars planetinə isə 4 ton yük çıxarmaq qabiliyyətinə malikdir. Ümumilikdə 144 uçuş həyata keçirən ikipilləli raketin birinci pilləsi okeanda quraşdırılan dəniz platformasına 104 dəfə şaquli eniş edib və yenidən istifadə olunub.

AZƏRTAC