Süni intellekt tibbi sualları cavablandırmaqda həkimlərdən daha yaxşıdır

Generativ süni intellekt (AI) proqramı olan "ChatGPT" tibbi məsləhətləşmələrdə əksər həkimlərdən daha yaxşı nəticə göstərir. Qaynarinfo xəbər verir ki, bu qənaətə San Dieqodakı Kaliforniya Universitetinin amerikalı alimləri gəlib. Araşdırma "JAMA Internal Medicine" elmi jurnalında dərc olunub.

Təcrübədə komanda "Reddit" onlayn forumunda yerləşdirilən sağlamlıqla bağlı suallara "ChatGPT" cavablarını təhlil edib. Lisenziyalı həkimlər və sağlamlıq mütəxəssisləri neyron şəbəkə nəşrlərini eyni mövzular üzrə həkimlərin rəyləri ilə müqayisə ediblər.

Tədqiqatçılar tibbi subreddit r/AskDocs-da həkimlər və xəstələr arasında 195 söhbətdən ibarət təsadüfi bir nümunə toplayıb, burada istifadəçilər tibbi suallar göndərə və yoxlanılmış tibbi könüllülər onlara cavab verə bilərlər.

Təhlil göstərib ki, 79% hallarda "ChatGPT" insanlarla müqayisədə daha dəqiq cavablar verib. Üstəlik, ekspertlər həkimlərin cavablarının 27%-ni qeyri-qənaətbəxş qiymətləndiriblər.

Tədqiqatın müəllifləri qeyd ediblər ki, yaxşı süni intellekt sistemlərinin həqiqətən faydalı ola biləcəyi bir sahə səhiyyə olaraq qalır. Mütəxəssislər əlavə edib ki, onlayn terapevt kimi sübut edilmiş neyron şəbəkələrindən istifadə həkimlərin yükünün bir hissəsini yüngülləşdirməyə kömək edəcək.