Telefon donanda nə etmək lazımdır?

Hər bir smartfon istifadəçisi azı bir dəfə cihazın “donması” kimi problemlə qarşılaşıb.

Belə vəziyyətdə barmaqlarınızla sensor ekrana toxundurmaq çox mənasızdır. Çünki bu zaman çətin ki, telefon bu toxunuşlara cavab versin. 

Belə bir halda müəyyən qaydalara riayət etmək vacibdir.

Əvvəlcə telefon sahibi cihazın hansı səbəbdən donduğunu öyrənməlidir. Belə vəziyyətdə çox vaxt problem ya proqramlardan biri ilə, ya da bütövlükdə sistemlə bağlı olur. Sonra smartfonun aşağısındakı “Home” açarına basılmalıdır. Təbii ki, əgər telefonunuzda bu düymə varsa.. Barmağınızı dərhal çəkməyin. Düymə ən azı bir neçə saniyə basılı qalmalıdır. Əgər bu addım nəticəsində sonuncu istifadə etdiyiniz proqram menyusu görünürsə, deməli problem proqramla bağlıdır. 

Bu halda, həmin tətbiqin pəncərəsini yana sürüşdürün.

“Home” düyməsini basmaq heç bir nəticə vermədisə, deməli, problem sistemdən asıldı.

Bu vəziyyətdə, cihazı yenidən başlatmalısınız. Bunu “power”  və səsi azaldıcı düyməni eyni eyni vaxtda basın. 10-15 saniyə bu düymələri sıxıb saxlasanız, telefon yenidən işə düşəcək. 

Yox, əgər bu addım da kömək etmirsə, smartfonu söndürməlisiniz. Bunu etmək üçün yalnız “power” düyməsini basıb saxlamaq lazımdır. (lent.az)