"Telegram" bağlana bilər? - Məhkəmə iddiası

ABŞ-dakı seçkilərlə əlaqədar Parler tətbiqinin Google Play Store və App Store-dan silinməsi ilə bu dəfə diqqət Telegram-a yönəlib. Telegramın bağlanması üçün Kaliforniya Şimal Bölgəsi Məhkəməsinə müraciət edilib.

WhatsApp məxfilik müqaviləsini dəyişdirdikdən sonra Telegram-ın istifadəçi sayı 500 milyondan çox artıb. Bununla yanaşı, Telegram ABŞ seçkilərindən sonra şiddət təbliğ edən hesabları tez bir zamanda bağlamağa çalışıb.

Telegram-ın qurucusu Pavel Durov isə məhkəmə iddiasından sonra verdiyi açıqlamada Telegram-ın dinc müzakirə və etirazlara ev sahibliyi etdiyinə diqqət çəkib. Xidmət şərtlərinə görə, şiddət təbliğ edən paylaşımların qarşısının alındığını vurğulayıb. Bildirilib ki, hələ yanvarın əvvəllərində şiddət meylinə dair xəbərlərin artması ilə əlaqədar olaraq bəzi kanallar moderator qrupu tərəfindən bağlanıb. (ted.az)