Telegram-da şəxsi mesajları deşifrə edən boşluq aşkarlandı

Təhlükəsizlik tədqiqatçıları Telegram tətbiqində şəxsi mesajların şifrəsini açan boşluq aşkarlayıblar.

Telegram-ın 26 dekabr, 2020-ci ildə yayımlanan 7.3 versiyasında aşkarlanan boşluğun hazırkı 7.4 versiyasına da daxil olduğu bildirilir. 

Boşluq nəticəsində göndərilən media sənədləri söhbət pəncərəsindən silinsə də, cihazın saxlama sahələrində qalır. Silinən mesaj nüsxələri və media sənədlərinin saxlandığı bu qovluğu müxtəlif proqramlarla aşkarlamaq mümkündür.

Mütəxəssislər bu boşluğun macOS istifadəçilərinə təsir etdiyini bildirirlər. Telegram isə hələ ki, bu məsələ ilə bağlı rəsmi açıqlama verməyib.