"Telegram"ın aktiv istifadəçi sayı 500 milyonu keçdi

WhatsApp-ın istifadəçi şərtlərini dəyişməsi və 8 fevraladək razılıq tələb etməsindən sonra alternativlərdən biri olan Telegram-a ciddi axın başlayıb. 
Avtosfer.azTürkiyə KİV-nə istinadən xəbər verir ki, bu tələbin məntiqi nəticəsi olaraq Telegram-ın aktiv istifadəçi sayı 500 milyonu keçib. 
Son 24 saatda tətbiqin istifadəçi sayı daha 25 milyon artıb. Bunlardan 38 faizi Asiya, 27 faizi Avropa, 21 faizi Latın Amerikası, 8 faizi isə Orta Şərq və Afrikanın payına düşür. 
Qeyd edək ki, Türkiyə Prezidenti Rəcəb Tayyib Ərdoğan da WhatsApp-dan imtina edərək Telegram-a keçid edənlər arasındadır.