Türkiyənin “Ulaq” insansız dəniz platformalarının yeni konfiqurasiyası hazırlanır

7-9 sentyabr 2022-ci il tarixlərində Almaniyanın Hamburq şəhərində keçirilən Beynəlxalq Dəniz Təhlükəsizliyi və Müdafiə Konfransında Türkiyənin “Ares” gəmiqayırma şirkəti “Ulaq” insansız dəniz platformalarının yeni versiyasını təqdim edib. Ordu.az xəbər verir ki, bu barədə konfransda şirkətin baş direktoru Utku Alanç məlumat verib.
Suüstü döyüş üçün nəzərdə tutulan versiyada 25 mm və ya 30 mm top, orta mənzilli gəmi əleyhinə raketlər və MANPADS-lar (portativ HHM sistemləri) görünür.
Yeni konfiqurasiyanın uzunluğu 24 m-ə yaxın olacaq. Alçaq silueti olan platformaının aşkarlanması da çətin olacaq.
Gələcəkdə “Ulaq” platformalarının DSH (sualtı gəmilərdən müdafiə müharibəsi), mina təmizləmə, radioelektron mübarizə, kəşfiyyat-müşahidə-nəzarət kimi tapşırıqları yerinə yetirə bilən versiyalarının hazırlanması planlaşdırılır.