Xiaomi-ni də Huawei-in aqibəti gözləyir? - Android lisenziyasını itirməsi.. .

ABŞ prezidenti Donald Trampın qərarı və Xiaomi-nin Çin ordusu ilə əlaqəsini iddia etməsi səs-küyə səbəb olub. 

Xiaomi şirkəti bu mövzuda açıqlama verib və iddiaların əsassız olduğunu bildirib: "Şirkətimiz fəaliyyət göstərdiyi ölkələrin müvafiq qaydalarına uyğun çalışır və yalnız fərdi  istifadə üçün məhsullar təqdim edir. O, Çin ordusuna məxsus deyil. Ümumiyyətlə, Çin ordusuna aidiyyəti yoxdur. Xiaomi səhmdarlarının maraqlarını qorumaq üçün bütün lazımi tədbirləri görəcək".

Huawei-dən sonra Xiaomi-nin ABŞ-ın qara siyahısına əlavə edilməsini deyən mütəxəssislərin fikrincə, tədarük zənciri ilə bağlı bəzi məhdudiyyətlər gözlənilir. Növbəti addımda şirkətə hansı sanksiyaların tətbiq ediləcəyi isə bəlli deyil.

Bəs Huawei ilə Xiaomi-nin aqibəti eynimi olacaq?

Mütəxəssislərin sözlərinə görə, hələlik bu barədə dəqiq danışmaq tezdir. Üstəlik, hazırda Xiaomi və Huawei oxşar vəziyyətdə deyillər. Çünki bu qara siyahı Huawei-inkindən fərqlidir. Başqa sözlə, Xiaomi-nin ABŞ şirkətləri ilə işlərinə normal davam edə biləcəyi açıq şəkildə vurğulanır. Bunları nəzərə alsaq, Xiaomi-nin Android lisenziyasını itirməsi ehtimalı hələlik müzakirə mövzusu deyil. (Ted.az)