Britaniya tarixində ilk Grand-Prix - VİDEO - FOTO

Avtomobil icad edildiyi vaxtdan idman məqsədi ilə istifadə edilib. Lakin yarış qaydaları son yüz ildə ciddi dəyişikliyə uğrayıb. Bunun da səbəbi avtomobillərin mükəmməlləşməsidir.
Avtosfer.az xəbər verir ki, Böyük Britaniyada  ilk Grand-Prix 7 avqust 1926-cı ildə baş tutub. Bruklenddə keçirilən yarışda iddiaçılar 110 dövrəni tamamlamalı idilər. Ümumi uzunluğu 287 mil (461,8 km) olan yolda indiki kimi kəskin döngələr olmasa da, bir neçə yerdə torpaq maneələrin yanından keçmək lazım gəlirdi.
Yarışın qalibi 71,68 mil/saat orta sürətlə ( 115 km/saat) Lui Vaqner və Robert Seneşaldan ibarət Fransa komandası olur. Onlar yarışda “Delage” markalı avtomobili idarə edirdilər. İkinci yeri isə Bugatti 39 ilə britaniyalı Malkolm Kempbel qazanır. 
Qeyd edək ki, Fransanın “Delage” avtomobil şirkəti 1905-1953-cü illərdə mövcud olub.

*Nəzərə alaq ki, video səssizdir. O zaman səsi qeydə alan kamera yox idi.

Vüqar