"Formula 1"in idman direktoru vəzifəsini tərk edib
Yarışma 29 Noyabr 2022 08:24 Oxunub 956
"Formula 1"in idman direktoru vəzifəsini tərk edib

“Formula 1” avtoyarışları üzrə dünya çempionatının idman direktoru ingilis Ross Braun vəzifəsini tərk edib.

“Report” xəbər verir ki, bu barədə noyabrın 28-də qurumun mətbuat xidməti məlumat yayıb.

“İndi təqaüdə çıxmağım üçün doğru vaxtdır. İşin çoxunu etdik, indi konsolidasiya dönəmindəyik. 2026-cı ildə yeni maşın ortaya çıxacaq, amma hələ dörd il var, mənim üçün bu, yetərincə uzun sürəkdir. Buna görə də növbəti qrup insanlar üçün işin bu hissəsini öz üzərini götürməsi yaxşıdır. Düşünürəm ki, “Formula 1”i əla vaxtda tərk edirəm”, - Braun bildirib.

 

Qeyd edək ki, 68 yaşlı Ross Braun 2017-ci ildən “Formula 1”in idman direktoru vəzifəsindədir. Mütəxəssis “Formula 1” karyerasına 1978-ci ildə “Vilyams” komandasının mühəndisi kimi başlayıb və 1989-1991-ci illərdə “Formula 1”i tərk edib. 1991-ci ildən R. Braun “Benetton”un texniki direktoru və konstruktoru vəzifəsində çalışıb, komandanın pilotu alman Mixael Şumaxer iki dəfə çempionluq titulunu qazanıb (1994, 1995), komanda həmçinin Konstruktorlar Kubokunu (1995) qazanıb. 1997-ci ildən Braun “Ferrari”də işləməyə başlayır, onun rəhbərliyi altında komanda altı Konstruktorlar Kubokunun qalibi (1999-2004), Şumaxer isə daha beş çempionluq titulunu qazanıb (2000-2004).

 

2006-cı il mövsümünün sonunda Şumaxer “Ferrari”ni tərk edib, Braun isə fəaliyyətinə bir il ara verib. 2008-ci ildə o, “Honda” komandasının rəhbəri olub və 2009-cu ilin martında onu satın alaraq “Braun” adlandırıb. 2009-cu il mövsümünün sonunda komanda Konstruktorlar Kubokunun ən yaxşısı olub, komandanın pilotu Censon Batton isə dünya çempionatının qalibi olub. Bir müddət sonra komanda başqa konsernə satılaraq “Mersedes” adlandırılıb, daha sonra Şumaxer ora keçid edib, 2012-ci ildə o, idman karyerasını başa vurub, 2013-cü ildə isə Braun komandadan ayrılıb. Mütəxəssis 2017-ci ilə qədər “Formula 1”də işləmirdi.

ŞƏRH YAZ
Ad

E-mail

Şərh