AZAL super təyyarə aldı - FOTO

"Boeing" şirkəti bu gün “Boeing 787 Dreamliner” təyyarəsinin Azərbaycan Hava Yollarına tədarük edildiyini elan edib. Avtosfer.az bunu anspress-in şirkətin rəsmi saytına istinadla verdiyi məlumata görə, bu təyyarəni almaqla Azərbaycan Hava Yolları MDB-də ilk aviaşirkət olub. Təyyarə AZAL-ın uzaq ölkələrə reyslərini genişləndirmək üçün əsas rol oynayacaq. "Biz Azərbaycan Hava Yollarının həm regional, həm də beynəlxalq miqyasda rəqabət qabiliyyətinin artırılmasına kömək edəcək bu inqilabi təyyarəni almaqda şadıq". Bu sözləri Azərbaycan Hava Yolları QSC-nin prezidenti Cahangir Əsgərov bildirib. O qeyd edib ki, sözügedən təyyarə nadir bort xüsusiyyətlərinə və xüsusi funksiyaları ilə sərnişinlərə yüksək xidmət göstərməyə imkan verəcək".

“Boeing 787 Dreamliner” təyyarəsi texnoloji cəhətdən qabaqcıl xüsusiyyətləri ilə seçilir. Eyni zamanda, təyyarə öz nəslinin super-səmərəli fəsiləsindəndir. Təyyarə bənzərsiz yanacaq effektivliyi və ekoloji göstəricilər ilə Azərbaycan Hava Yollarına 20 % daha az yanacaq sərfiyyatına imkan verəcək.