Bakı dairəvi yolu sürücülərin istifadəsinə verildi - VİDEO

Bir neçə gün bundan əvvəl təmir məqsədilə bağlanan Bakı dairəvi yolda artıq işlər yekunlaşıb. Yol surucülərin istifadəsinə verilib. Bakı dairəvi avtomobil yolunun Beynəlxalq Avtovağzal adlanan ərazisindən Sədərək dairəsinə, yəni yolun 8-ci kilometrinə qədər olan hissəsində hərəkət məhdudlaşdırılmışdı. Avtomobillərin hərəkətinin məhdudlaşdırılmasında məqsəd yolda təmir işlərinin aparılması idi. Sözügedən yolda 5 tondan yuxarı yük avtomobillərinin hərəkəti nəticəsində yolun asfalt-beton örtüyü dağılmış və bunun nəticəsində də yol yenidən təmirə bağlanmışdı. Buna görə də yolun asfalt-beton örtüyünün aşınma qatı yenilənib. Çünki hər 4-5 ildən bir yolun asfalt örtüyü təzələnir. Artıq yolda işlər yekunlaşıb və nəqliyyatın hərəkəti bərpa olunub. İndi sürücülər yoldan rahat şəkildə istifadə edə bilərlər.