Bakıda daha bir yol salınır - VİDEO

Paytaxtın Dərnəgül yolu kimi tanınan ərazidə hələ 4 il bundan əvvəl başlanan təmir işləri artıq yekunlaşmaq üzrədir. Ayna Sultanova və Karl Marks küçələrinin kəsişməsində asfaltlanma işlərinin 70-80 %-i həyata keçirilib. Yol boyu bütün kommunikasiya qurğuları dəyişdirilib. Ərazidəki yağış və kanalizasiya sitemləri də yenidən qurulub. Hazırda yola üç qat asfalt-beton örtüyü vurulur. Bu işlər Böyükşor kimi tanınan ərazidə mərhələli şəkildə həyata keçirilib. Hazırda asfaltın sonuncu, yəni aşınma qatı vurulur. “Azəryolservis” ASC-nin mətbuat xidmətinin rəhbəri Pünhan Mürsəliyevin sözlərinə görə, Ziya Bünyadov prospektinin yenidən qurulması çərçivəsində görülən bu işlər bir aya yekunlaşacaq. Görülən işlər sürücülərə böyük imkanlar yaradacaq. Prospektin yenidən qurulması zamanı tək sürücülər yox, elə piyadalar da nəzərə alınıb. Belə ki, ərazidə piyadaların təhlükəsiz hərəkəti üçün 4 yerüstü piyada keçidi tikilib. Onlardan biri artıq hazırdır, qalan digər üçündə isə işlər davam edir.

Avtosfer.az