Bakıda təmirə bağlanan yol açıldı – XƏRİTƏ

Bakıda təmirə bağlanan yollardan birində nəqliyyatın hərəkəti bərpa edilib. Nəqliyyat Nazirliyinin Nəqliyyatı İntellektual İdarəetmə Mərkəzindən Avtosfer.az-a bildirilib ki, Atatürk prospektinin Məmməd Araz küçəsi ilə kəsişməsindən Ziya Bünyadov prospekti ilə kəsişməsinə qədər aparılan təmir işləri yekunlaşıb. Hazırda həmin istiqamətdə nəqliyyat vasitələrinin hərəkəti bərpa olunub. Qeyd edək ki, Bakı şəhərinin yollarında olan son vəziyyətlə bağlı operativ məlumat hər 30 dəqiqədən bir 107.7 – “AvtoFM” radiosunun efirində açıqlanır.