Bakının əsas yolunu iflic edən nəhənglər 

Bakının ən böyük prospektinə nəhənglər ayaq açıb. Necə və hansı səbəbə gəldikləri bir yana, hərəkəti iflic edirlər. Avtosfer.az milli.az-a istinadən xəbər verir ki, Heydər Əliyev prospektinin köməkçi yolunda hər səhər iritutumlu yük maşınları dayanır. Yol boyu dayanan 10-a yaxın yük maşını qazılmış yolun keçilməsinin onlarsız da çətin olduğu bir vaxtda hərəkəti daha da iflic edir. "Azəryolservis" ASC-nin mətbuat xidmətinin rəhbəri Pünhan Mürsəliyev açıqlamasında bildirdi ki, həmin avtomobillərin şəhərin mərkəzi prospektinə girməsinin qarşısını yol polisi almalıdır. Onun sözlərinə görə, bu məsələ ilə bağlı sualı yol polisinə ünvanlamaq lazımdır. Bakı Şəhər Yol Polisi İdarəsi ilə əlaqə saxlamaq mümkün olmadı.