Benzinin litri 51 qəpiyə düşdü

Benzinin pərakəndə satış qiyməti ABŞ-də son iki həftə ərzində orta hesabla 25 sent ucuzlaşıb və hal-hazırda bir qallon (3,8 litr) üçün 2,47 dollardır. Avtosfer.az Rusiya KİV-nə istinadən xəbər verir. Bu 1 litr avtomobil yanacağı üçün təxminən 65 sentə  (51 qəpik) yaxındır. Nəticədə ABŞ-da benzinin qiyməti 2009-cu ilin may ayında olan minimal həddədir. Cari ilin may ayından avtomobil yanacağının qallonu 1,25 dollardan çox ucuzlaşıb. 2,5 min yanacaqdoldurma stansiyasının sahiblərinin Lundberg Survey xidməti tərəfindən aparılan  sorğusu göstərdi ki, ən bahalı benzin Nyu-Yorkda – Lonq- Aylenddə satılır, burada benzininn bir qallonu 2,82 dollardır. Ən ucuz benzini isə Talsa (Oklaxoma) şəhərində tapmaq olar – bir qallon 2,06 dollardır. Analitiklərin fikrinə görə, ABŞ-da benzinin qiymətinin ucuzlaşması bir başa olaraq dünya birjalarında neftin qiymətinin ucuzlaşması ilə əlaqədardır. Son iki həftə ərzində Nyu-York əmtəə bazarında neft 14,2 faiz ucuzlaşıb. Ötən cümə günü, son satışlar zamanı, 2015-ci ilin yanvar ayı üçün “qara qızılın” çatdırılması üçün fyuçers müqavilələri bir barel üçün 57,13 dollardan bağlanılıb. Ekspertlər ehtimal edirlər ki, ABŞ-da pərakəndə benzinin qiymətinin ucuzlaşması neftin ucuzlaşması ilə əlaqdar davam edə bilər.