Gürcüstanda avtomobillər Avropa standartlarına uyğunlaşdırılacaq

Martın 1-dən Gürcüstanda bütün kateqoriyalı nəqliyyat vasitələrinin məcburi texniki baxışdan keçirilməsinə başlanılacaq. Avtosfer.az xəzərxəbər.som-a istinədən xəbər verir ki, Nəqliyyat vasitəlilərinin texniki vəziyyəti Gürcüstan Hökumətinin Avropa İttifaqı ilə imzaladığı Assosiasiya sazişi çərçivəsində bu qurum qarşısında götürdüyü öhdəliklərə əsasən Avropa standartlarına cavab verməlidir. Hökumətin qərarına əsasən avtomobillər mərhələli şəkildə texniki baxışdan keçiriləcək. Qeyd edək ki, 2004-cü ildən sonra Gürcüstanda avtomobillər könüllülük əsasında texniki baxışdan keçirilirdi. Yeni qərarla avtomobillərin texniki baxışı məcburi olacaq və qərara riayət etməyən avtomobil sahibi cərimə ediləcək. Avtomobillərin texniki baxışı sahiblərinə 50 lariyə başa gələcək.