On dəqiqədə 4 maşın toqquşdu, Babək prospekti dondu

Bakının Babək prospektində avtomobillərin hərəkəti tamamilə dayanıb. Avtosfer.az-ın məlumatına görə, saat 18:30 radələrində prospektdə yaranan tıxac səbəbindən minlərlə Bakı sakini yollarda qalıb. Avtomobillərin hərəkəti tamamilə dayanıb. Babək prospektində yaranan tıxacın səbəbini öyrənmək üçün Bakı Şəhər Dövlət Yol Polisi İdarəsinin ictimaiyyətlə əlaqələr bölməsinin rəisi, polkovnik-leytenant Vaqif Əsədovla əlaqə saxladıq. Vaqif Əsədovun verdiyi məlumata görə, Babək prospektində yaranan tıxaca səbəb 10 dəqiqə fasilə ilə ard-arda baş vermih və cüzi maddi ziyanla nəticələnmiş yol qəzasının baş verməsidir. Keçmiş maşın bazırının qarşısındakı körpünün hər iki tərəfində avtobus "Mercedes"lə, "Opel" markalı maşın isə "Jiquli" ilə toqquşub: "Hər iki qəzada avtomobillərə cüzi ziyan dəyib. Sürücülər avtomobilləri vaxtında yoldan götürmədiyindən belə bir tıxac yaranıb. Yolda hərəkəti bərpa etmək üçün yol polisi əməkdaşları müvafiq tədbirlər görürlər. Təsəvvür edin ki, iki sürücü bir-biri ilə razılaşmayıb və aralarında narazılıq yaranıb. Onların mübahisəsi üzündən yolda tıxac yaranıb. Nəinki Babək prospektində, eyni zamanda bu prospektlə kəsişən yollarda da tıxac yaranıb. Yol polisi əməkdaşları hadisə yerinə piyada getməli olublar. Yalnız bundan sonra hərəkət bərpa olunub».

Elməddin