Şəhərə yeni işıqforlar quraşdırılır

Lənkəran şəhəri ərazisində avtomobillərin rahat və təhlükəsiz hərəkətini təmin etmək məqsədilə yeni tipli işıqforların quraşdırılmasına başlanılıb. Avtosfer.az-ın APA-ya istinadən verdiyi məlumata görə, yeni işıqforlar köhnə tipli işıqforlardan bir sıra xüsusiyətlri ilə fərqlənir. Belə ki, bu işıqforların elektron tabloları və saniyə ölçəni var. Hələlik avtomobillərin intensiv hərəkət etdiyi şəhərin ayrı-ayrı ərazilərində 4 ədəd işıqfor quraşdırılıb.

Lənkəran şəhər Polis İdarəsinin Dövlət Yol Polisi Höbəsinin təbliğat və təşviqat üzrə inspektoru Emil Vəliyevin sözlərinə görə, şəhərin ərazisində mövcud olan bütün köhnə işıqforlar yenisi ilə əvəz olunacaq.