Sürücülərə şad xəbər: Cərimələrin ödənişi asanlaşdı

Yeniliklər 25 Dekabr 2014 12:21
Sürücülərə şad xəbər: Cərimələrin ödənişi asanlaşdı
WhatsApp kanalımıza abunə olun
Yol cərimələri və və vergiləri «Asan ödəniş» terminallarında ödəmək mümkün olacaq

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi "ASAN ödəniş" terminallarının quraşdırılmasına başlayıb. Avtosfer.az Trend-ə istinadən xəbər verir ki, həmin terminalların köməyi ilə vətəndaşlar Vergilər Nazirliyinin, yol hərəkəti qaydalarının (YHQ) pozulmasına görə cərimələrin ödənişini həyata keçirə biləcəklər. YHQ-nin pozulmasına görə cərimələrin ödənilməsi üçün protokolun nömrəsi və avtomobil sahibinin şəxsiyyət vəsiqəsindəki məlumatlar lazımdır. Qurğu banknotların və sikkələrin qəbulu üçün slotlarla təchiz edilib. Hazırda ilk "ASAN ödəniş" terminalı artıq "ASAN xidmət"in Sabirabad regional mərkəzində quraşdırılıb. Yaxın vaxtlarda qurğu bütün mərkəzlərdə quraşdırılacaq".

Dövlət Agentliyinin 2015-ci il üzrə planlarına Bakıdakı ictimai yerlərdə (parklarda, ticarət-əyləncə mərkəzlərində, yanacaqdoldurma məntəqələrində və s.) "ASAN ödəniş" terminallarının quraşdırılması daxildir. Yaxın gələcəkdə ümumilikdə 200-ə yaxın belə terminalın quraşdırılması planlaşdırılır.

Bundan əlavə, "ASAN ödəniş" portalının açılması nəzərdə tutulur. Onun köməyi ilə vətəndaşlar bank hesablarından, kredit kartlarından, “Elektron pul kisəsi”ndən və digərlərindən istifadə etməklə ödənişlər həyata keçirə biləcəklər.

FOTO QALEREYA
Oxunub : 4696
DİGƏR XƏBƏRLƏR
ŞƏRH YAZ
Ad

E-mail

Şərh

Sabuhi 10 Noyabr 2014 22:55
Bes bu MMX lari kime odeyek Mektub yox isbat yox sadece zeng vurub deyirler gel ode, ya da bir de polis her hansi qayda pozuntusuna esasen saxladiqda deyir senin odenilmemish cerimen var ged ode faizlerin qalxib artiq kelle carxa. Bes bunu niye asanlashdirmirsiz ki her hansi bir yolla sade bir usulla texniki pasportun nomresi ile istenilen vaxt yoxlayaq ve orada gosterilen subutlarla emin olaq ki biz kime ve ne qeder cerime odemeliyik... Bunu da etsez bu rushfetxorluqun qabagini bir az da almish olarsiz. Teshekkurler.