Sürücülərə şad xəbər; problemli yol açıldı

Bakı Beynəlxalq Avtovağzalından "Sədərək" ticarət mərkəzinə gedən yolda nəqliyyatın hərəkəti bərpa olunub. "Azəryolservis" ASC-nin mətbuat xidməti Pünhan Mürsəliyevin verdiyi məlumata görə, təmir işləri yekunlaşıb. Onun sözlərinə görə, sentyabr ayının 4-dən 5-ə keçən gecə yolda nəqliyyat vasitələrinin hərəkəti tam təmin olub.

Qeyd edək ki, təmir işləri ilə əlaqədar avqustun 24-dən 25-nə keçən gecə Bakı Dairəvi yolunun Beynəlxalq Avtovağzal adlanan ərazisindən yolun 8-ci km-dək olan hissəsi ("Sədərək" ticarət mərkəzinədək) nəqliyyatın hərəkəti üçün bağlanmışdı.

Emin